Техник-механик

Техник-механик түрлі механикалық жүйелер мен аспаптарды жобалауды, конструкциялауды және пайдалануды бақылауды жүзеге асыратын білікті маман.

Техник-механик мынадай жұмыс түрлерін орындай алады:

• Жолдарды салу, ұстау және жөндеу кезінде көтеріп-тасымалдағыш, құрылыс, жол машиналары мен жабдықтарын пайдалану;
• Жұмыс кезінде көлік құралдары қозғалысының қауіпсіздігін қамтамасыз ету;
• Стационарлық шеберханаларда және жұмыстарды жүргізу орындарында көтеріп-тасымалдағыш, құрылыс, жол машиналары мен жабдықтарына техникалық қызмет көрсетуді және жөндеуді жүзеге асыру;
• Көтеріп-тасымалдағыш, құрылыс, жол машиналары мен жабдықтары жүйелері мен механизмдерінің техникалық күйін анықтау;
• Көтеріп-тасымалдағыш, құрылыс, жол машиналары мен жабдықтарына техникалық қызмет көрсету және жөндеу бойынша есепке алу-есеп беру құжаттамаларын жүргізу;
• Көтеріп-тасымалдағыш, құрылыс, жол машиналары мен жабдықтарын пайдалану жөніндегі персоналдың жұмысын ұйымдастыру;

Еңбекақы жұмыс орнына, біліктілік деңгейіне және тәжірибесіне байланысты. Осы біліктілік бойынша ойдағыдай білім алу және одан әрі жемісті жұмыс істеу үшін студенттің физика және сызу саласында білімі болуы тиіс.

Жоғары деңгейдегі маман болу үшін минималды тәжірибе - 2-3 жыл.

Бұл мамандықтың артықшылығы еңбекақының жоғарылығында және сұранысқа ие болуында. Ал қалғаны тек сіздерге, яғни осы мамандықтың барлық ерекшеліктерін түсіну және прогреспен қатар жүру қабілетін игеруге байланысты болады. Себебі әлемдік машина жасау бүгінгі таңда қарқынды дамуда. Заманауи компьютерленген техниканы нағыз кәсіби мамандар басқарса ғана, ол бәрін жасай алады.

Ойдағыдай жұмыс істеу үшін шеберге бірқатар жеке қасиеттер қажет: дене күші мен төзімділік, есту және көру қабілетінің жоғары болуы, реакциялардың жоғары жылдамдығы мен дәлдігі, дамыған көз өлшегіші, зейінді тарату және тез ауыстыру мүмкіндігі, жақсы көру қабілеті, техникамен жұмыс істеуге бейімділік.

Бұл мамандықтың кемшілігі денсаулыққа ықтимал қауіптердің: химиялық және физикалық факторлардың әсерінен туындайтын аурулардың пайда болуында.

Осы саланың жас маманы осы мамандықты таңдай отырып, күрделі жұмысқа, білім мен қауіпсіздік техникасының жоғары талаптарына дайын болу керек екенін білуі керек және жұмыстың өте жауапты екенін ескергені жөн.